TECHNOS Kogakuin til maktabi

Ushbu maktab Yaponiyadagi eng nufuzli maktablaridan biri hisoblanib, 1971-yilda Tokio shahrida ta’sis etilgan. Yapon tili maktabi Kogakuin Texnologiya Guruhi nazoratidagi maktab bo’lib, Kogakuin Texnologiya Kolleji va Tokio havo yo’llari va mehmonxona kollejlari ham mavjud. Agarda talaba yapon tili maktabini a’lo baholarga tamomlasa, ushbu kollejlardan biriga imtiyozli ravishda kirish imkoniyatiga ega bo’ladi.

Maktab Shinjuku metro bekatiga yaqin joyda joylashgan bo’lib, maktab binosidan metrogacha 5 daqiqalik piyoda yo’ldir. Maktab yaqinida Takashimaya katta savdo-sotiq markazi, Kinokunya kitob do’koni, Yoyogi hiyobonlari talabalar uchun dam olish, o’rganish va ishlash uchun juda qulaydir. TECHNOS Kogakuin Yapon tili maktabining eng farqli tarafi shundaki, talabalar yapon tilidan tashqari ingliz tili, matematika, fizika, kimyo va ijtimoiy fanlarni chuqurlashtirilgan holda o’rganishlari va har bir fanni tanlash imkoniyatiga eda bo’ladilar. Shuningdek, ushbu maktab darslari kuniga 5 soat va haftasiga 5 kun olib boriladi. Biz ushbu maktabni yapon tili bilan birga aniq fanlarni o’rganishni istaganlar uchun tavsiya etamiz.