SAMU Yapon tili maktabi

SAMU Yapon tili maktabi - 30 yillik tarixga ega ulkan imkoniyatlar makonidir. SAMU Tokyo shahridagi eng nufuzli yapon tili maktablaridan biri bo’lib, unda 20 dan ortiq mamlakatlar talabalari tahsil oladi. Ushbu maktabda har bir talaba yapon tilini bilish darajasiga qarab alohida dastur bo’yicha o’qitiladi.

Maktab yil davomida 4 marotaba qabul o’tkazadi. Maktabga eng yaqin metro stansiyasi Shin-Okubo hisoblanadi. Maktab Hyakunin-cho ko’chasi Shinjuku tumanida joylashgan bo’lib, 3 qavatdan iborat binoda joylashgan. SAMU maktabidagi 33 nafar eng malakali o’qituvchilar o’qish davomida ulkan bilim va imkoniyatlarni taqdim etadi.

SAMU maktabida o’qish jarayonida ishlashga ham qiziquvchi talabalarga haftasiga 28 soatlik ish topib berishni maktab ma’muriyati o’z zimmasiga oladi. Chunki SAMU maktabi xorijlik talabalar yapon tili va madaniyatiga tez moslashib ketishda ishlash foydali deb hisoblashadi.